Anong unang pumasok sa utak mo pagkabasa mo sa titulo nito? Bago pa kung anu-ano maisip nio hayaan nio muna na ikwento ko ang karanasan ko.
Kama – isang bagay na kung saan ay ang sarap mamahinga. Pag pauwi ka na galing sa trabaho, eskwela o sa galaan naiisip mo kagad ang kama. Dito kasi malaya mong ilabas lahat ng emosyon mo, magbasa habang nakahiga, manood o makinig ng sounds or simply mag-emote. Dito malayang tumatakbo ang iyong imahinasyon pero dito sa lugar ko ay napakahirap ng sitwasyon.
Ang kalakaran kasi dito kung malaki ang sahod mo pwede kang umupa ng 1 bedroom flat pero sa kaso ng karamihan ay isa kang bed-spacer at isa na ako dun. Sa kakaunting kita, pinipilit na pagkasyahin para may maipadala sa pamilya sa Pinas. Umuupa ako ng 9000/ month as a bedspacer. Mura na un kasi wala pa kaming 15 sa bahay. Sa una kong bahay dito bumayad ako ng 9750/ month, anim kami sa room + may 3 pang room na ilang tao rin ang laman. Walang privacy, maingay, laging nawawalan ng tubig at may Joross (surot), my God ang daming surot. May mas mabigat pang dahilan pa bukod sa nabanggit ko, ung isang kasama nmin sa room ay may bf. Di nman ako againts sa mga may bf na isinasama sa bahay kaso labas masok sa room nmin ng walang babala. Maano ba nmang kumatok at sabihing “Hoy, papasok na ako”. Paano na lang kung nagkataon na mga nag bibihis kami. At take note, walang kurtina ang mga bed ay sus maryosep lampungan ng lampungan kahit andun kami lahat. Di bale sana kung may tabing at di maingay ang bed, haha nakikinig pala. Ang babae na sinasabi ko ay anak ng land lady nmin ay edad 17 at ang bf nia ay 37. Aminin mo tumaas ang kilay mo.
Isa lang yan sa mga karanasan ng mga OFW. Nag titiis para sa pamilya. Hindi madali ang mangupahan bukod sa mahal na gahaman pa ang mga kabayan na inaasahan mong tutulong sau.
Bed-space—in short bed mo lang ang space mo dahil sa oras na ikaw ay bumaba asa taas ka man ko sa baba sa pagtapak mo sa sahig konting hakbang lang ay ang espasyo nman para sa inuman at sugalan ng mga kasama mo sa bahay. Kailangan mong mag tiis na wala kang privacy, gusto mo ng magpahinga ng maaga dahil pagod ka sa work at maaga ka pa kinabukasan pero ang mga kasama mo sa bahay ay nagkakasayahan pa at walang pakialam khit alas tres na ng madaling araw kaya ung plano mo na maagang matulog ay nagiging umaga na dahil d ka makakatulog sa ingay ng mga bunganga nila na mga lasing na.
Mahirap dito sa ibang bansa. Mga kabayan mo pa ang tataga sau sa presyo ng upa, wala kang pagpipilian kesa sa kalye ka pulutin. Meron din nman maswerte, ung mga malalaki ang sahod at ung may mga bahay na kasama sa benefits nila as a employee ng kumpaya. Minsan solo sila sa isang room o 2 hanggang 4 lang.
Babala sa mga nais mag abroad. Dapat na desidido kayo sa desisyon na mangibang bansa dahil kung hindi ay baka di nio kayanin ang ganitong sitwasyon.
” Ang lahat ng tao ay kailangan ng space”. Ang sarap mamaluktot lumalamig na kasi.