Dahil sa iyo aking pag-ibig.

Pag-ibig…isang kataga na kayhirap maunawaan ng bawat nilalang. Isang espesyal na nararamdaman at umuusbong sa bawat sangkatauhan. Minsan ito ang nakakapag bigay sa atin ng kalakasan na harapin ang bawat hamon ng buhay. Ito rin ang nakakapag pahina sa mga sawi. Anong hiwaga at kapangyahiran meron ka pag-ibig? Isa kang instrumento na nakakapag buklod ng sanlipunan ngunit isa ka rin sa nag wawasak sa mga samahan. Para sa karamihan ang pag-ibig ay isang nobela. Isang mahabang proseso para mahagilap ang tunay na kahulugan nito. Nababago mo pag-ibig ang pananaw ng mga tao.

At isa ako sa nabago mo. Sinabi ko na ayoko na. Takot na ako. Pero sabi nga di mo kayang pigilan pag dumating na siya. Hindi mo na kailangang hanapin dahil kusang dumarating. Natagpuan ko na lang ang sarili ko na nandun na uli sa sitwasyon na kinakatakutan ko. Ang muling umibig. Oo, tama kayo takot akong umibig muli dahil na rin sa aking nakaraang relasyon. Pero hindi ako ang klase ng tao na takot pero hindi marunong lumaban sa mga pagsubok. Kaya heto ako ngayon muling lumalaban. Muling nagpapakatatag. Muling ninais na maranasan ang hiwaga ng pag-ibig.

Hiwaga na inaakala ng iba na ako’y isang baliw. Dahil walang oras na di mo ako napapangiti. Sa mga simpleng bagay na ginagawa mo kahit na sobrang layo natin sa isa’t isa. Kahit na hindi pa tayo magkakilala ng personal. Nangingiti ako kahit wala akong kausap o binabasa na nakakatawa. Natutulala ako kahit hindi naman kita kaharap paano na kaya kung nandito ka na sa tabi ko? Manginginig ba tuhod ko at mauutal kapag magkasama na tayo? Parang palaging may bumubulong sa gilid ng tenga ko na nag lalabas ng mahinang hangin na nakaka pag bigay ng kiliti sa aking katawan. Ganyan ang epekto mo sa aking sistema.

Sistema na pag nakasanayan mo na ay hahanap hanapin. Nakasanayan na natin ang palagiang magkapalitan ng mensahe gamit ang telepono at tawagan kahit pa sabihing mag kaiba tayo ng bansang kinaroroonan. Pag dating ng umaga gigisingin kita o gigisingin mo ako. Pagkatapos maligo naka tutok na sa instrumentong makabago kung saan tayo ay nag uusap gamit ang mga kamay na dinidiktahan ng puso. Nag kukulitan, kwentuhan at bolahan bago pumasok sa trabaho.  Sabay tayong umaalis ng bahay na para bang kasama talaga kita dito. Pagkauwi sa bahay mas inuuna pang buksan ang kumputer bago tingnan kung may pagkain na ba para sa tiyan kong laging gutom.

Gutom na nakakalimutan basta makausap ka lang ng matagalan. Oo, masaya ako sa relasyon natin na kahit na dumating ung bagyo na inaasahan ko man pero di ko napag handaan ay sinalubong ko pa rin ng may ngiti. Ngiti na may kasamang luha dahil alam ko na di sa lahat ng pag kakataon ay nakakulong ako sa bagyo at unos sa larangan ng pag-ibig.

Natapos na ang bagyo sa ating relasyon. Ano ang meron ngayon? Isang walang humpay na kasiyahan lalo na at lagi mong ipinararamdam sa akin kung gaano ako kahalaga sa’yo. Sa’yo na inakala ng iba na sobrang di seryoso. Sinusuportahan mo ako sa aking mga desisyon. Sa aking mga gustong gawin katulad na lang nitong paligsahan ni kuya. Sabi mo pa pumikit lang ako at isipin ka at hayaan kong puso ko ang mangusap. Puso ko ang mag sabi kung ano nga ba meron ka Pag-ibig.

Pag-ibig ko, gusto lang humingi ng paumanhin kung hindi kita masamahan sa bawat araw ng ating buhay. Alam ko ang kagustuhan mo na makasama ako dahil sa araw-araw nating pag-uusap hindi pwedeng mawala ung kahilingan na un. Pero sabi nga ang lahat ay may tamang panahon. Gusto kitang maasikaso at mapag silbihan pero alam kong darating din ang panahon na tayo’y mag kakasama at sana sa panahon na iyon tayo ay mas matatag na.

Matatag na ako at sana mas tumatag pa sa bawat minuto ng aking buhay. Buhay na ibinigay ng ating Diyos Ama na siyang ating tagapag ligtas. Ikaw aking mahal ay pangalawa lang sa aking buhay ngunit huwag kang mag selos dyan dahil ang una sa aking buhay ay si Hesus na siyang tunay na pag-ibig. Dahil si Hesus ay Pag-ibig.

Nag mamahal ako na hindi nag hihintay ng sukli. Nag mamahal at lumalaban para sa ating pag mamahalan. Ikaw ang mahal ko. Ikaw ang pag-ibig ko.

Takot akong umibig ngunit dahil sa iyo ito’y aking sinubukang muli. Dahil ikaw ang aking pag-ibig.

………….

Kuya Jkul iniibig yan na po ang iyong kahilingan. Kahilingan na di ko kagad napag bigyan. Dahil sa ako’y naguguluhan at dahil na rin sa aking paniniwala na ako’y walang kakayahan. Kakayahan na sinubukan para sa iyo aking kuya.

Music Playlist at MixPod.com